«Ռուբիկոն» գեղարվեստական-մշակութաբանական հանդեսը հիմնադրվել է 1998 թվականին (նախագծի հեղինակներ՝ Արա Գուրզադյան, Արամ Մեհրաբյան): Նշված թվականից մինչև 2011 թվականը լույս է տեսել տասնչորս համար, որոնք ընթերցողի ուշադրությանն են ներկայացրել փիլիսոփայության, արվեստի, գրականության, երաժշտության և հոգևոր-ինտելեկտուալ դաշտի այլ բնագավառների նյութեր (հոդված, էսսե, հարցազրույց, նամակ, հուշագրություն): Հանդեսի ստեղծման գաղափարական շարժառիթներին կարելի է ծանոթանալ հիմնադիր խմբագիր Արա Գուրզադյանի «Ռուբիկոնն անցնելու դրաման» հոդվածում:
Ներկայում փորձ է արվում երկրորդ կյանք տալ «Ռուբիկոնին» և հրապարակել հանդեսը նաև համացանցում: Սույն կայքում տեղադրվող/տեղադրված համարներին առաջիկայում կհաջորդեն նորերը:
Սերգեյ Ստեփանյան
- Ջոն Դրայդեն. Հատվածներ «Օվիդիուսի նամակների նախաբանից»Ստորև ներկայացնում ենք հատվածներ անգիացի բանաստեղծ, դրամատուրգ, կլասիցիզմի տեսաբան Ջոն Դրայդենի (1631-1700) Օվիդիուսի նամակների իր թարգմանությանը կցված նախաբանից, որտեղ հեղինակը քննում է թարգմանական արվեստին առնչվող հարցեր: Աղբյուրը՝ John Dryden, Preface to Ovid’s Epistles (1680): I …Ինձ մնում է մի քանի խոսք ասել բանաստեղծական թարգմանությունների մասին ընդհանրապես և կարծիք հայտնել (իհարկե, ընդունելով, որ կարող են լինել նաև …
Continue reading “Ջոն Դրայդեն. Հատվածներ «Օվիդիուսի նամակների նախաբանից»”
- Մարտին Հայդեգգեր. Գերմանական համալսարանի ինքնահաստատումըՄարտին Հայդեգգեր Մարտին Հայդեգգերն ասել է այս ճառը 1933 թվականին, Ֆրայբուրգի համալսարանի ռեկտորի պաշտոնը ստանձնելու կապացությամբ: Աղբյուրը՝ Heidegger, Martin; Die Selbstbehauptung der deutschen Universität; Breisgau, 1934 2 ; S. 5 – 22: Ռեկտորության ստանձնումը այս բարձրագույն դպրոցի հոգևոր առաջնորդության պարտավորություն է: Ուսուցիչների և աշակերտների փոխհաջորդումը արթնանում և ամրանում է գերմանական համալսարանի էության մեջ ճշմարիտ և …
Continue reading “Մարտին Հայդեգգեր. Գերմանական համալսարանի ինքնահաստատումը”
- Կյանքիս ուղին (հատվածներ գրքից)Ռուդոլֆ Շտայներ Տ. 39,40. Ինցերսդորֆ գալուց հետո Վիենի իմ առաջին այցելությունը ես օգտագործեցի մեծ քանակությամբ փիլիսոփայական գրքեր գնելու համար: Ես առանձին սիրով էի վերաբերվում Ֆիխտեի «Գիտաբանության» առաջին ակնարկին: Կանտի ընթերցումը բերեց նրան, որ ես ինձ համար մի պատկերացում կազմեցի, թերևս ոչ հասուն, այն մասին, որ Ֆիխտեն ցանկացել է մի քայլ առաջ գնալ: Սակայն դա ինձ …
- Նկարչի տեքստը, ԱստիճաններՎասիլի Կանդինսկի ՏԵՍՆԵԼ Կապույտ, կապույտն է բարձրացել, բարձրացել է և ընկել: Սրածայր, բարալիկ սուլոցով խփվել է, բայց չի խոցել: Որոտն է պատել ամենուր: Թանձր դարչնագույնն է կախվել կարծես ընդմիշտ: Կարծես: Կարծես: Լայն բաց արա թևերդ: Լայն: Լայն: Եվ ծածկիր դեմքդ ալ գլխաշորով: Եվ գուցե այն չի շարժվել տեղից, շարժվել ես միայն ինքդ: Ճերմակ թռիչք, ճերմակ …
- Շարժում դեպի հավասարակշռությունՀենրիկ Էդոյան (Գրական ժանրերը XVII-XIX դդ. գրականության մեջ) «Ոմանց անհատականությունը ավելի տարածական է, մյուսներինը` ավելի ժամանակային: Արդյոք դա չէ՞, որ պիտի լինի տարբերությունը հերոսների ու արվեստագետների միջև»,– գրում է Նովալիսը: Հերոսներն, ըստ էության, միշտ «ծավալվում» են դեպի տարածականությունը (թերևս սրանով կարելի է բացատրել նրանց նվաճողական ձգտումները, քանի որ նրանք, ի վերջո, կապված են տարածության նվաճումների …
- Հարցազրույց Ջեքսոն Պոլոքի հետՈւիլլիամ Ռայթ Սփրինգս, Լոնգ Այլնդ, Նյու Յորք, 1950թ. վերջ: Ռադիո հաղորդում «Ուերի ռադիոալիքով, Ուեսթերլի, Ռոդ Այլնդ, 1951թ.: ՈՒ.Ր. Պրն. Պոլլոք, Ձեր կարծիքով, ի՞նչ է ժամանակակից արվեստը: Ջ.Պ. Ըստ իս, ժամանակակից արվեստը ոչ այլ ինչ է, եթե ոչ մեր դարաշրջանի արդիական նպատակների դրսևորում: ՈՒ.Ր. Դասական արվեստագետներն ունեցե՞լ են իրենց դարաշրջանն արտացոլելու միջոցներ: Ջ. Պ. Այո, նրանք դա լավ էին անում: …